پی کے 83 سے عوامی نیشنل پارٹی کی امیدوار ثمر ہارون بلور شکست کھانے کے بعد اپنے مخالف کامیاب امیدوار مینہ خان کو مبارک دینے پھول لے کر ان کے گھر پہنچ گئیں۔
اے این پی کی امیدوار انتخابی نتائج میں شکست کھانے کے بعد دھاندلی یا الزام تراشی کے بغیر مخالف امیدوار مینہ خان کے گھر پہنچیں اور مبارکباد دیتے ہوئے ان کو پھولوں کا گلدستہ پیش کیا۔ دونوں سیاسی مخالفین نے ایکدوسرے کے ساتھ خوشگوار ماحول میں گفتگو کی۔
تحریک انصاف کا 100 حلقوں میں فارم 47 کیخلاف عدالت جانے کا فیصلہ
ثمر ہارون بلور نے اپنے ایکس سوشل میڈیا اکاونٹ پر تصویر بھی شئیر کی جس میں ان کے بیٹے دانیال بلور بھی ہمراہ تھے۔ ثمر ہارون بلور نے پی ٹی آئی ورکرز کے اچھے برتاؤ کی بھی تعریف کی۔
دوسری جانب ثمر بلور کی غیر متوقع آمد نے آزاد امیدوار مینہ خان کو بھی حیران کر دیا۔انہوں نے کامیابی پر مبارکباد دینے کے لیے آنے والی ثمر بلور کا شکریہ ادا کیا۔
Went with Danyal to wish @MeenakhanAfridi on his victory and had a pleasant interaction with his workers #pk83 pic.twitter.com/rxgoo6p8pn
— Samar Haroon Bilour (@SamarHBilour) February 9, 2024