دھاندلی کا منصوبہ، پی ٹی آئی امیدوار کی پولنگ ایجنٹ کے ساتھ مبینہ آڈیو وائرل

عام انتخابات میں دھاندلی کا طریقہ سمجھاتے ہوئے پی ٹی آئی امیدوار علی رضا خان کی مبینہ آڈیو سامنے آ گئی۔

مبینہ آڈیو میں تحریک انصاف کے امیدوار علی رضا خان خاکوانی پولنگ ایجنٹ عبدالغفار کو دھاندلی کا طریقہ سمجھاتے ہوئے کہہ رہے  ہیں کہ اگر پولنگ کے بعد نتائج ہمارے حق میں نہ ہوئے تو پھر فارم 45 پر غلط دستخط کر دینا اور ریٹرننگ افسر بھی غلط دستخط کر دے گا۔

انٹرنیٹ، موبائل سروسز معطلی، یہ سب دھاندلی کی ابتدا ہے، حامد میر

علی رضا خان نے مبینہ آڈیو میں کہا کہ اگر پولنگ کے بعد ہماری جیت نظر آئے تو پھر فارم 45 پر اصل دستخط کرکے ان کی تصاویر بھیج دینا، جس پر پولنگ ایجنٹ ملک عبدالغفار کا کہنا تھا کہ ہاں، میں ایسا ہی کروں گا۔

پی ٹی آئی امیدوار کا کہنا تھا کہ  فارم 45 پر غلط دستخط کرنے کے بعد اس کی تصاویر بھی لے لینا۔ ریٹرننگ افسر اور پریزائڈنگ افسر بھی جب دستخط کر دیں تو پھر آر او کے پاس چلے جانا۔

مبینہ اڈیو میں علی رضا خان خاکوانی کا کہنا تھا کہ  آر او صاحب غلط دستخط دیکھ کر نیا فارم 45 بنانے کا حکم دیں گے جس پر سب کے اصل دستخط کر دیے جائیں گے۔