کراچی: شہر قائد کے علاقے گلشن اقبال میں دھماکے سے 2 افراد جاں بحق اور ایک زخمی ہو گئے۔
ریسکیو حکام کے مطابق گلشن اقبال بلاک 3 میں پراسرار دھماکہ ہوا جس میں 3 افراد زخمی ہوئے۔ زخمیوں میں سے ایک شخص اسپتال منتقلی کے دوران دم توڑ گیا۔
ایس پی گلشن اقبال کے مطابق دھماکہ رکشے کے اندر ہوا جس کی نوعیت فوری طور پر معلوم نہیں ہو سکی ہے۔
یہ بھی پڑھیں: الیکشن کمیشن کی ویب سائٹ کا سرور ڈاؤن ہو گیا
ڈی آئی جی ایسٹ اظفر مہیسر نے بتایا کہ زخمی ہونے والے 2 افراد جو نجی اسپتال منتقل کر دیا گیا ہے جبکہ کرائم سین یونٹ کو بھی موقع پر طلب کیا گیا ہے جو دھماکے کی نوعیت کے بارے میں معلومات فراہم کرے گا۔