پاکستان نے اقوام متحدہ کے انسانی حقوق کے ادارے کی جانب سے عام انتخابات سے متعلق تشویش کو مسترد کر دیا ہے۔
ترجمان دفتر خارجہ ممتاز زہرا بلوچ نے انتخابات پر اقوام متحدہ ہائی کمشنر برائے انسانی حقوق کے دفتر کے بیان پر ردعمل دیتے ہوئے کہا کہ انتخابی عمل میں کسی بھی شکایت کی صورت میں داخلی قانونی حل موجود ہیں۔
پاکستانی معیشت کو150 ارب امریکی ڈالر سے زیادہ کا نقصان ہوا، ترجمان دفتر خارجہ
اُنہوں نے مزید کہا کہ پاکستان انسانی حقوق اور بنیادی آزادیوں کے تحفظ کے لیے پوری طرح پُرعزم ہے اور ان کی ضمانت ملک کے قوانین اور آئین میں دی گئی ہے۔ ہمارا عدالتی نظام مقدمات کی منصفانہ سماعت اور مناسب عمل فراہم کرتا ہے۔
ترجمان نے کہا کہ پاکستان کے انتخابی قوانین کے مطابق 8 فروری کو انتخابات کے لیے سکیورٹی پلانز کو حتمی شکل دے دی گئی ہے۔ پاکستان جامع جمہوری عمل کو فروغ دینے اور قانون کی حکمرانی برقرار رکھنے کے لیے پُرعزم ہے۔
عام انتخابات 2024: پاکستان دنیا کی پانچویں بڑی جمہوریت بن گیا
واضح رہے کہ اقوام متحدہ نے پاکستان میں پارلیمانی انتخابات سے پہلے سیاسی جماعتوں اورامیدواروں کے خلاف تشدد پر تشویش کا اظہار کیا تھا۔