سکیورٹی فورسز کی جانب سے بلوچستان کے علاقے مچھ اور کولپورکمپلیکسز میں دہشتگردوں کے خلاف کلیئرنس آپریشن مکمل ہو گیا، اس میں 24دہشتگرد مارے گئے۔
آئی ایس پی آر کے مطابق 29 اور 30جنوری کی رات بلوچستان کے علاقوں مچھ اور کولپور کمپلیکسز پر دہشت گردوں کی جانب سے حملے کیے گئے، قانون نافذ کرنے والے اداروں نے دہشتگردوں کے حملوں کا بہادری سے مقابلہ کیا۔
عام انتخابات میں سول آرمڈ فورسز اور افواج پاکستان کی تعیناتی سے متعلق اہم معلومات
آئی ایس پی آرکا کہنا ہے کہ کلیئرنس آپریشن میں گزشتہ تین روزکے دوران 24دہشتگردوں کو جہنم واصل کیا گیا، مارے گئے دہشتگردوں میں شہزاد بلوچ، عطاء اللہ، عبدالودود، ذیشان اور ان کے ماسٹر مائنڈ شامل ہیں۔
دیگر ہلاک دہشتگردوں کی شناخت کا عمل جاری ہے، اس آپریشن کے دوران چار فوجی جوان اور دو شہری بھی شہید ہوئے، آئی ایس پی آر کے مطابق پاک فوج دیگر سکیورٹی اداروں کے ساتھ امن و استحکام کے لیے شانہ بشانہ کھڑی ہے۔