اینٹی کرپشن عدالت لاہور نے پرویز الہٰی سمیت دیگر ملزمان کو فرد جرم کے لیے طلب کر لیا۔
پنجاب اسمبلی میں مبینہ غیر قانونی بھرتیوں کے مقدمے کی سماعت کے دوران عدالت نے پرویز الہی اور دیگر ملزمان کو پیش نہ کرنے پر برہمی کا اظہار کرتے ہوئے کہا کہ جب ملزم احتساب عدالت پیش ہو رہے ہیں تو یہاں کیوں نہیں، ملزمان کو یہاں بھی پیش کریں، میں فائل انتظار میں رکھ رہا ہوں۔
پرویز الہی کی اہلیہ کو 2 حلقوں سے الیکشن میں حصہ لینے کی اجازت
عدالت نے اظہار برہمی کرتے ہوئے کہا کہ میں نے سپرٹنڈنٹ کو شوکاز نوٹس جاری کیا ہے وہ کدھر ہے، تم پولیس والے اور ڈاکٹر سب ملے ہوئے ہو، سب کے خلاف قانون کے مطابق کارروائی کروں گا۔
جج ارشد حسین بھٹہ نے کہا کہ عدالت نے تمام ملزمان کو چالان کی کاپیاں فراہم کر رکھی ہیں جب کہ اینٹی کرپشن نے مقدمے کا چالان بھی عدالت میں پیش کر رکھا ہے۔