نادرا کی جانب سے لاہور کے شہریوں کے لیے ایک اور سہولت فراہم کردی گئی، لاہور ریجن میں کمپیوٹرائزڈ اسلحہ لائسنس کی تجدید و ترمیم کیلئے خصوصی کاؤنٹر قائم کردیا گیا۔
نادرا لاہور ریجن میں شہریوں کو سہولت اور آسانی کے ساتھ کمپیوٹرائزڈ اسلحہ لائسنس کے اجراء کیلئے 11 خصوصی کاؤنٹرز کام کررہے ہیں۔ ساندہ روڈ، ایبٹ روڈ، پیکو روڈ اور جوہر ٹاؤن لاہور سمیت شیخوپورہ، ننکانہ، نارووال، سیالکوٹ، گوجرانوالہ، اوکاڑہ اور قصور اضلاع کے نادرا سینٹرز میں خصوصی کاؤنٹرز قائم کیے گئے ہیں۔
نادرا نے پاک آئی ڈی موبائل ایپ متعارف کرا دی
وفاقی وزارت داخلہ اور پنجاب حکومت کی طرف سے اس خصوصی اقدام کی بدولت شہریوں کو سوموار سے جمعہ صبح 8:30 بجے سے 3:30 بجے تک کمپیوٹرائزڈ اسلحہ لائسنس کے باآسانی اجراء کیلئے تمام خدمات ایک چھت تلے فراہم کی جا رہی ہیں۔
نادرا کی طرف سے شہریوں کو آگاہ کیا گیا ہے کہ وہ اس سلسلے میں کسی بھی قسم کی معلومات اور رہنمائی کیلئے نادرا ہیلپ لائن نمبر (051-111-786-100) پر رابطہ کر سکتے ہیں۔