نوشہرہ: پاکستان تحریک انصاف پارلیمنٹیرینز (پی ٹی آئی پی) کے سربراہ پرویز خٹک نے کہا ہے کہ بانی تحریک انصاف عمران خان کو غرور اور تکبر کی سزا ملی ہے۔
پی ٹی ٹی آئی کے سربراہ پرویز خٹک نے سابق چیئرمین پی ٹی آئی عمران خان کو سائفر کیس میں سزا پر کہا کہ سائفر کیس میں سزا ملنے کے ذمہ دار سابق چیئرمین پی ٹی آئی عمران خان خود ہیں۔
انہوں نے کہا کہ سابق چیئرمین پی ٹی آئی کا مشن غربت کا خاتمہ نہیں بلکہ غریب کو غریب تر بنانا تھا اور سابق حکومتوں نے قرضے لے کر ملک کا خانہ خراب کیا۔
یہ بھی پڑھیں: لاہور میں ن لیگ کی انتخابی ریلی پر فائرنگ، 5 افراد زخمی
پرویز خٹک نے کہا کہ خیبر پختونخوا کی عوام نے سابق چیئرمین پی ٹی آئی کو بھاری مینڈیٹ دیا لیکن عمران خان نے پختونوں کے مینڈیٹ کی توہین کی۔
انہوں نے کہا کہ آنے والا دور پاکستان تحریک انصاف پارلیمنٹرینز کا ہے۔