کراچی: شہر قائد کے علاقے نیو کراچی انڈسٹریل ایریا میں مبینہ پولیس مقابلے میں ایک ڈاکو کو زخمی حالت میں گرفتار کر لیا۔
ترجمان ڈسٹرکٹ سینٹرل پولیس کے مطابق نیو کراچی انڈسٹریل ایریا پولیس نے سیکٹر فائیو جی میں مشکوک موٹرسائیکل سواروں کو رکنے کا اشارہ کیا تو وہ فرار ہو گئے۔ پولیس کے تعاقب کے دوران ملزمان نے فائرنگ کر دی۔
پولیس کی جوابی فائرنگ میں ایک ملزم زخمی ہو گیا جس کے بعد پولیس نے دونوں ملزمان کو گرفتار کر لیا۔ زخمی ملزم کی شناخت فرخ جبکہ دوسرے ملزم کی شناخت مزمل کے نام سے ہوئی۔
یہ بھی پڑھیں: مچھ میں بی ایل اے کے دہشت گردوں کا حملہ پسپا
پولیس نے ملزمان کے قبضے سے اسلحہ، موٹرسائیکل اور نقدی برآمد کر لی جبکہ زخمی ملزم کو علاج کے لیے قریبی اسپتال منتقل کر دیا گیا۔