تعلیم کسی بھی قوم یا معاشرے کیلئے ترقی کی ضامن ہے مگر ہمارے ملک میں المیہ یہ ہے کہ پاکستان میں 2 کروڑ سے زائد بچے سکول جانے سے محروم ہیں۔
پاکستان انسٹیٹیوٹ آف ایجوکیشن کا کہنا ہے کہ پاکستان میں 2 کروڑ 62 لاکھ کے قریب بچے اسکول سے باہر ہیں۔ پنجاب میں ایک کروڑ 11 لاکھ سے زائد جبکہ سندھ میں 70 لاکھ سے زائد بچے تعلیم سے محروم ہیں۔
سعودی عرب ، اسکول سے 20 دن تک بچے کی غیر حاضری پر والدین کو جیل کی ہوا کھانی پڑے گی
پاکستان انسٹیٹیوٹ آف ایجوکیشن کا کہنا ہے کہ خیبر پختونخوا میں 36 لاکھ سے زائد اور بلوچستان میں 31 لاکھ سے زائد بچے اسکول نہیں جا رہے، اسلام آباد میں تقریباً 80 ہزار بچے اسکولوں سے باہر ہیں، اسکول جانے کی عمر کے 39 فیصد بچے اس وقت اسکول سے باہر ہیں۔
2016-17ء میں اسکول نہ جانے والے بچوں کی تعداد 44 فیصد تھی، 22-2021ء میں 39 فیصد بچے تعلیم سے محروم تھے، ہائر سیکنڈری سطح پر 22-2021ء میں 60 فیصد بچے اسکول سے باہر تھے۔