اسلام آباد میں پیرا میڈیکل اسٹاف کو جعلی ڈگریاں دینے والے کالج کو سیل کر دیا گیا۔
ترجمان ایف آئی اے کے مطابق وین گارڈ انسٹی ٹیوٹ آف میڈیکل اینڈ سائنسز کو سیل کرکے کالج انتظامیہ اور ملازمین کیخلاف مقدمہ درج کر لیا گیا۔ ملزمان کی گرفتاری کیلئے چھاپے مارے جا رہے ہیں۔
رپورٹ کے مطابق کالج انتظامیہ اور پاکستان نرسنگ اینڈ مڈوائفری کونسل کی ملی بھگت سے جعلی ڈگریاں جاری کی جاتی تھیں، کالج کی جعلی ڈگریوں پر متعدد نرسز اسپتالوں میں نوکریاں کر رہی تھیں۔
رپورٹ میں مزید بتایا گیا ہے کہ کالج سے پمز اسپتال کا جعلی ایم او یو بھی برآمد کرلیا گیا، جبکہ کالج انتظامیہ کی جانب سے پیش کی جانیوالی فیکلٹی لسٹ بھی فرضی نکلی۔