مکہ مکرمہ سردیوں میں بھی گرم کیوں رہتا ہے؟ وہ وجہ جو کم لوگ جانتے ہیں

جنوری کے مہینے میں دنیا کے اکثر ممالک میں سردیوں کا راج ہوتا ہے۔ مگر سعودی شہر مکہ سردیوں میں بھی گرم رہتا ہے جس کی اہم وجہ اب سامنے آئی ہے۔

مکہ مکرمہ کے گرم رہنے کی وجوہات سعودی عرب کی القصیم یونیورسٹی کے ماحولیات کے سابق پروفیسر اور سعودی ویدر اینڈ کلائمیٹ سوسائٹی کے نائب صدر عبداللہ المسند نے بیان کی ہیں۔

العربیہ اردو کی رپورٹ کے مطابق عبداللہ المسند کا کہنا ہے کہ سردیوں میں مکہ مکرمہ کے علاقے کی گرمی کا سبب کئی موسمی اور جغرافیائی عوامل ہیں۔

انہوں نے بتایا کہ سردیوں میں مکہ کی گرمی کا ایک سبب حجاز کے پہاڑوں کی طرف سے بڑی پہاڑیوں کی رکاوٹ کی موجودگی ہے جو شمال اور مرکز سے آنے والی ٹھںڈی ہواؤں کو مکہ تک پہنچنے میں مداخلت کا سبب بنتی ہیں۔

رپورٹ کے مطابق مکہ ایک ایسا علاقہ ہے جو سمندر کی سطح سے صرف 300 میٹر کی بلندی پر ہے، اس کے علاوہ مکہ کی گرمائش کا دعویٰ ایک اور وجہ سے بھی کیا جاتا ہے۔