انٹرا پارٹی انتخابات نہ کرانے پر الیکشن کمیشن نے 13 سیاسی جماعتوں کو ڈی لسٹ کر دیا۔الیکشن کمیشن نے محفوظ فیصلہ سنا دیا۔
الیکشن کمیشن نے اپنے فیصلے میں کہا کہ سیاسی جماعتوں کا رویہ غیر سنجیدہ تھا، الیکشن کمیشن نے 2 پارٹیوں کے انٹرا پارٹی انتخابات قبول جبکہ 13 کے مسترد کر دیے۔
نظام مصطفیٰ اورپاکستان مسلم لیگ جناح کو انتخابی نشان الاٹ کردیاگیا، جمعیت علمائے پاکستان نورانی کو بھی الیکشن لڑنے کی اجازت مل گئی۔
بلے کا نشان، پشاور ہائیکورٹ نے الیکشن کمیشن کو نوٹس جاری کر دیا
الیکشن کمیشن کی جانب سے جمعیت علمائے پاکستان اور پاکستان مسلم لیگ جناح کو انتخابی نشان جاری کر دیا گیا۔
الیکشن کمیشن نے آل پاکستان مینارٹی الائنس، آل پاکستان تحریک، عوامی پارٹی پاکستان، بہالپور نیشنل عوامی پارٹی کو ڈی لسٹ کر دیا۔
سب کا پاکستان، پاکستان امن کونسل پارٹی، پاکستان نیشنل مسلم لیگ،پاکستان امن پارٹی، پاکستان برابری پارٹی، مسیحی عوامی پارٹی، پاکستان قومی یکجہتی پارٹی، سنی تحریک اورنظامِ مصطفیٰ پارٹی کو بھی ڈی لسٹ کر دیا گیا۔