روسی صدر کا نئے سال پرخطاب ، قومی اتحاد پر زور

ماسکو۔1جنوری (اے پی پی):روسی صدر ولادیمیر پیوٹن نے نئے سال کے موقع پر قوم سے خطاب میں قومی اتحاد پر زور دیا ہے۔ چینی خبر رساں ادارے شنہوا کے مطابق انہوں نے گزشتہ روز اپنے خطاب میں کہا کہ ہم نے بار بار ثابت کیا ہے کہ ہم مشکل ترین مسائل کو بھی حل کر سکتے ہیں اور ہم کبھی پیچھے نہیں ہٹیں گے کیونکہ ایسی کوئی طاقت نہیں ہے جو ہمیں تقسیم کر سکے یا ہماری ترقی کو روک سکے۔

انہوں نے روسی شہریوں کے لیے نیک خواہشات کا اظہار کرتے ہوئے کہا کہ ہم ایک ملک اور ایک بڑا خاندان ہیں۔ ہم وطن کی پراعتماد ترقی، اپنے شہریوں کی فلاح و بہبود کو یقینی بنائیں گے اور ہم مزید مضبوط ہوں گے۔ ■