جاپانی حکومت نے میگلیو ٹرین سروس میں تاخیر کی منظوری دے دی

ٹوکیو۔30دسمبر (اے پی پی):جاپان کی حکومت نے میگلیو ٹرین سروس میں تاخیر کی منظوری دے دی ہے ۔ جاپانی خبررساں ادارے این ایچ کے مے مطابق جاپان کی وزارتِ نقل و حمل نے سینٹرل جاپان ریلوے کمپنی کے اس منصوبے کی منظوری دے دی ہے جس کے تحت مقناطیسی طور پر پٹڑیوں سے بلند ہو کر چلنے والی میگلیو ٹرین سروس 2027 یا اس کے بعد شروع ہو گی

جبکہ ابتدائی منصوبے کے مطابق اسے 2027 میں شروع ہونا تھا۔کمپنی نے 14 دسمبر کو ٹوکیو کے شیناگاوا اسٹیشن اور ناگویا کے درمیان سیکشن میں تبدیلی کرنے کا فیصلہ کیا اور وزارت ٹرانسپورٹ کے پاس تبدیلی کے لیے درخواست جمع کروائی۔وزارت نے گزشتہ روز اس تبدیلی کی منظوری دی۔ وزارت کے ریلوے بیورو کے سربراہ مُراتا شیگےکی نے ریلوے کمپنی کے صدر نِیوا شُنسُوکے کو اجازت نامہ دیا۔