محکمہ موسمیات کے مطابق آئندہ 24 گھنٹوں میں بھی موسم خشک اور سرد رہنے کا امکان ہے۔
محکمہ موسمیات کے مطابق شمالی علاقوں اور شمالی بلوچستان میں موسم شدید سرد رہا، سب سے کم درجہ حرارت لہہ میں منفی 10 ، اسکردو میں منفی 9 ریکارڈ کیا گیا، گلگت، گوپس میں منفی 5، کالام اور استور میں منفی 4 جبکہ ہنزہ میں منفی 3 ڈگری رہا۔
محکمہ موسمیات کا کہنا ہے کہ گزشتہ 24 گھنٹوں کے دوران ملک کے بیشترعلاقوں میں موسم سرد اور خشک رہا، آئندہ 24 گھنٹوں کے دوران بھی موسم خشک رہنے کا امکان ہے۔
میٹ آفس کے مطابق بالائی خیبرپختونخوا، کشمیر، گلگت بلتستان میں مطلع جزوی ابر آلود رہے گا، جبکہ پنجاب اور بالائی سندھ کے بیشتر علاقوں میں دھند اور اسموگ چھائے رہنے کا امکان ہے۔