شام ، جنوبی صوبے سویدا پر اسرائیلی فوج کے فضائی حملے

دمشق۔29دسمبر (اے پی پی):اسرائیل نے شام کے دارالحکومت دمشق کے قریب واقع اس کے جنوبی صوبے سویدا پر فضائی حملے کئے ہیں۔

فرانسیسی خبر رساں ادارے اے ایف پی کے مطابق وزارت دفاع نے بیان میں بتایا کہ اسرائیلی فوج نے گزشتہ روز مقبوضہ گولان سے فضائی حملے کئے اورجنوبی علاقے میں بعض مقامات کو نشانہ بنایا۔ شام کے سرکاری خبررساں ادارے ثنا نے بتایا کہ ملکی فضائیہ دمشق میں دشمن کی کارروائیوں کو روک رہی ہے۔

سیریئن آبزرویٹری فار ہیومن رائٹس وار مانیٹر کے مطابق اسرائیل نے ملک کے جنوبی صوبے سویدا میں شامی فضائی دفاعی پوزیشن کے ساتھ ساتھ دمشق کے بین الاقوامی ہوائی اڈے کے قریب بھی فضائی حملے کئے ہیں ۔ آبزرویٹری کا کہنا ہے کہ ہوائی اڈے کے قریب حملہ پروازیں دوبارہ شروع کرنے کے ایک دن بعد کیا گیا ۔