برطانیہ ، مکڑی نے خاتون کے کان میں جالا بن دیا

لندن ۔29دسمبر (اے پی پی):برطانیہ میں مکڑی نے خاتون کے کان میں جالا بن دیا۔اردو نیوز کے مطابق لُوسی وائلڈ نامی خاتون کو کان میں خارش کے ساتھ ساتھ آوازیں محسوس ہونے پر تشویش ہوئی جس پر اس نے کان صاف کرنے والے جدید سمارٹ بڈ این الیکٹرانک ایئر کی مدد سے جائزہ لیا تو معلوم ہوا کہ اس کے کان میں ایک مکڑی گھسی ہوئی ہے۔

خاتون نے کان میں زیتون کا گرم تیل ڈالا جس سے مکڑی باہر آگئی لیکن اسے پھر بھی درد محسوس ہوتا رہا ،ہسپتال جانے پر پتا چلا کہ مکڑی نے اس کے کان میں جالا بن دیا ہے ۔ ڈاکٹر کا کہنا ہے کہ انہوں نے خاتون کے کان کی صفائی کر دی ہے تاہم ابھی بھی وہ ذہنی طور پر خوفزدہ ہے۔