خضدار، دو گاڑیوں کے تصادم سے 4 افراد جاں بحق

خضدار کے علاقے کرخ میں ٹریفک حادثے میں چار افراد جاں بحق ہو گئے۔

خضدار کے علاقے کرخ میں ایم 8 روڈ پر 2 گاڑیاں آپس میں ٹکرا گئیں، جس سے آگ بھڑک اٹھی۔

ایدھی ذرائع کے مطابق سندھ کی طرف سے آنے والی پیٹرول سے بھری گاڑی دوسری گاڑی سے ٹکرائی، جس سے آگ لگی اور چار افراد جھلس گئے۔

لاشوں کو ٹیچنگ ہسپتال خضدار منتقل کردیا گیا، جاں بحق ہونے والوں میں سے دو افراد کا تعلق باغبانہ، ایک کا کوشک خضدار اور ایک کا پنجگور سے بتایا جارہا ہے۔