مکہ مکرمہ کے علاقے میں بڑے پیمانے پر کی سونےموجودگی کے امکانات ہیں، سعودی کمپنی معادن

مکہ ۔29دسمبر (اے پی پی):سعودی ادارے معادن نے کہا ہے کہ مکہ مکرمہ کے علاقے میں بڑے پیمانے پر سونے کی موجودگی کے امکانات پائے گئے ہیں۔سعودی اخبار اردو نیوز کی رپورٹ کے مطابق قیمتی دھاتوں سے متعلق سعودی کمپنی معادن کی جیالوجیکل سروے ٹیم نے انکشاف کیا ہے کہ ماہرین کی جانب سے مکہ ریجن کے 100 کلو میٹر کے علاقے میں قیمتی دھات سونے کی بڑی مقدار موجود ہونے کے شواہد ملے ہیں۔

معادن کمپنی نے اس حوالے سے مذید بتایا ہے کہ معادن کی جانب سے قیمتی دھاتوں کی تلاش کا منصوبہ 2022 میں شروع کیا گیا تھا۔منصوبے کا مقصد مملکت کے مختلف علاقوں میں سونا اور دیگر قیمتی دھاتوں کی تلاش کے لیے ماہرین کی ٹیمیں تشکیل دی گئی تھیں جن کے ذمہ مختلف میدانی اور پہاڑی علاقوں کا سروے کر کے یہ معلوم کرنا ہے کہ کن علاقوں میں قیمتی دھاتیں پائی جاتی ہیں۔

رپورٹ کے مطابق ماہرین اس حوالے سے مزید ماہرین اس حوالے سے کام کررہے ہیں۔