پاکستان نے فتح 2 میزائل کا کامیاب تجربہ کر لیا۔
اس کامیاب میزائل تجربے کا تینوں سروسز کے سینئر افسران، سائنسدانوں اور انجینئرز نے مشاہدہ کیا۔
آئی ایس پی آر کے مطابق فتح 2 جدید ترین ایویونکس اور پرواز کی منفرد رفتار سے لیس میزائل ہے۔
فتح ٹو میزائل 400 کلومیٹر کی رینج تک ہدف کو نشانہ بنانے کی صلاحیت رکھتا ہے، یہ جدید ترین نیویگیشن سسٹم سے لیس میزائل ہے۔
صدرِ مملکت ڈاکٹر عارف علوی اور نگراں وزیرِ اعظم انوارالحق کاکڑ نے کامیاب میزائل تجربے پر آرمی اور سائنسدانوں کو مبارک باد دی ہے۔
آرمی چیف جنرل عاصم منیراور چیئرمین جوائنٹ چیفس آف اسٹاف کمیٹی جنرل ساحر شمشاد نے بھی فوجیوں اور سائنسدانوں کو مبارک باد دی۔