تحریک انصاف نے الیکشن کمیشن کے فیصلے کے خلاف پشاور ہائیکورٹ میں رٹ دائر کر دی۔
درخواست میں موقف اپنایا گیا ہے کہ الیکشن نے پی ٹی آئی انٹر اپارٹی انتخابات کو کالعدم قرار دیتے ہوئے انتخابی نشان بلا واپس لیا ،الیکشن کمیشن کے پاس پارٹی انتخابات کرانے سے متعلق فیصلہ دینے کا اختیار نہیں، جن لوگوں نے پی ٹی ائی انٹرا پارٹی انتخابات کو چیلنج کیا وہ پارٹی ممبر ہی نہیں۔
درخواست میں الیکشن اور انٹرا پارٹی انتخابات کو چیلنج کرنے والے درخواست گزار کو فریق بنایا گیا ہے۔
تحریک انصاف ایک رجسٹرڈ پارٹی ، الیکشن سے روکنا غیر قانونی ہو گا، انوارالحق کاکڑ
دوسری جانب پی ٹی آئی کے رہنما بابر اعوان نے کہا ہے کہ پی ٹی آئی کا انتخابی نشان بلا تھا اور بلا ہی رہے گا، سپریم کورٹ میں بھی توہین عدالت کیس دائر کرنے جا رہے ہیں۔
انہوں نے کہا کہ پنجاب میں پری پول دھاندلی ہو رہی ہے ، پی ٹی آئی کے امیدواروں سے کاغذات نامزدگی تک چھینے گئے۔