تحریک انصاف کے رہنما مونس الہٰی کے وکیل ناصر مشتاق کو گجرات سے گرفتار کر لیا گیا۔
اس بات کا دعویٰ صدر بار عثمان مجید نے کیا، ان کی گرفتاری پر ٹی بی اے کامونکی کے وکلا نے جوڈیشل کمپلیکس کے سامنے روڈ بلاک کردیا۔
صدر بارعثمان مجید کا کہنا تھا کہ ناصر مشتاق مونس الہٰی کے کاغذات نامزدگی جمع کروانے گجرات گئے تھے۔
عمران خان نے توشہ خانہ فیصلے کے خلاف سپریم کورٹ سے رجوع کر لیا
دوسری جانب سابق وزیراعلیٰ پنجاب چوہدری پرویز الٰہی کے وکیل کو گوجرانوالہ سے مبینہ طور پر نامعلوم افراد نے حراست میں لے لیا۔
وکیل عامر سعید راں کے بھائی نے دعویٰ کیا کہ عامر،عام انتخابات 2024 کے لئے پرویز الٰہی کے کاغذات نامزدگی جمع کروانے کی کوشش کر رہے تھے کہ انہیں رات گئے نامعلوم افراد نے حراست میں لے لیا۔