تحریک انصاف کے مرکزی رہنما شیر افضل مروت نے پشاور سے الیکشن لڑنے کا اعلان کر دیا ہے۔
شیر افضل مروت نے کہا کہ این اے 32 سے الیکشن لڑوں گا، میرے وکیل نے کاغذات نامزدگی جمع کرا دیئے ہیں۔ عام انتخابات میں جیت تحریک انصاف کی ہی ہو گی۔
الیکشن کروانے والا ادارہ ہی متنازع ہے تو پھر ایسے میں شفاف الیکشن کیسے ہوں گے، شیر افضل مروت
واضح رہے کہ 8 فروری 2024 کو عام انتخابات ہونے جا رہے ہیں ، گزشتہ روز الیکشن کمیشن نے آئین کے مطابق الیکشن نہ کروانے پر پی ٹی آئی کے انٹرا پارٹی الیکش کو کالعدم قرار دیتے ہوئے ان سے بلے کا نشان بھی واپس لے لیا تھا۔ تحریک انصاف نے الیکشن کمیشن کے فیصلے کیخلاف عدالت جانے کا اعلان کر رکھا ہے۔