پی ٹی آئی رہنما شاہ محمود قریشی کے وکیل بیرسٹر تیمور ملک نے کہا ہے کہ بدقسمتی سے شاہ محمود قریشی کی رہائی کا عمل آج مکمل ہونے کا امکان بہت کم ہے۔
میڈیا سے گفتگو کرتے ہوئے انہوں نے کہا کہ سپریم کورٹ نے سائفر کیس کے ضمانتی آرڈر کی مصدقہ کاپیاں ابھی تک جاری نہیں کیں، خصوصی عدالت کو بھی اس سے باضابطہ آگاہ نہیں کیا گیا ہے۔
سائفر کیس، سپریم کورٹ نے عمران خان اور شاہ محمود قریشی کی ضمانت منظور کر لی
بیرسٹر تیمور ملک نے مزید کہا کہ مطلوبہ عمل صرف سپریم کورٹ کے حکم کی مصدقہ کاپیاں جاری کرنے کے بعد ہی کیا جا سکتا ہے۔ عدالتیں کل اتوار اور پیر کو بند رہیں گی، اور شاہ محمود قریشی بغیر کسی وجہ کے بلاجواز قید رہیں گے۔