’اینیمل‘ میں بوبی دیول کی اہلیہ کا کردار نبھانے والی اداکارہ کا پاکستان سے تعلق؟

بوبی دیول اور رنبیر کپور کی فلم ’اینیمل‘ پاکستان اور انڈیا میں توجہ کا مرکز ہے اور شائقین کی جانب سے فلم کی کہانی کو سراہا بھی جا رہا ہے جبکہ کچھ لوگ اس پر تنقید کرتے ہوئے بھی نظر آ رہے ہیں۔

میڈیا اور سوشل میڈیا میں ’اینیمل‘ میں کام کرنے والی اداکارہ شفینا شاہ کے بھی بہت چرچے ہیں جنہوں نے فلم میں بوبی دیول کی دوسری اہلیہ کا کردار نبھایا ہے۔

شفینا شاہ خود تو انگلینڈ میں پیدا ہوئیں لیکن اُن کی والدہ عطیہ شاہ کا آبائی تعلق پاکستان کے صوبے خیبر پختونخوا کے علاقے کوہاٹ سے ہے۔

انڈین میڈیا کو دیے گئے ایک انٹرویو کے دوران شفینا شاہ نے تصدیق کی ہے کہ وہ لندن میں پیدا ہوئیں لیکن اُن کی والدہ ایک پٹھان ہیں جن کا تعلق پاکستان کے علاقے کوہاٹ سے ہے۔

اُن کا مزید کہنا تھا کہ اُن کی والدہ بعد میں انگلینڈ منتقل ہوئی تھیں جہاں انہوں نے حاجی اسماعیل راج محمد پٹیل سے شادی کی۔

شفینا شاہ کے والد حاجی اسماعیل راج محمد پٹیل کا تعلق انڈیا سے تھا اور انہیں شوبز انڈسٹری مین ’راج پٹیل‘ کے نام سے جانا جاتا تھا۔

فلم ’اینیمل‘ میں کام کرنے والی اداکارہ کا مزید کہنا تھا کہ ’میرے والدین اداکار تھے اور انہیں انڈسٹری نے ہی مِلوایا۔‘

    View this post on Instagram           A post shared by Shafina Shah (@shafinashah_official)

شفینا بھی اپنے والدین کے نقشِ قدم پر چلتے ہوئے شوبر انڈسٹری میں داخل ہوئیں جہاں وہ گذشتہ کئی برسوں سے بحیثیت اداکارہ، ماڈل اور ٹی وی پریزینٹر کام کر رہی ہیں۔

شفینا شاہ اس سے قبل ایک پاکستانی شارٹ فلم ’لاہور ٹو لندن‘ میں بھی کام کر چکی ہیں جبکہ وہ شاہ رخ خان سے ساتھ ایک اشتہار میں بھی جلوہ گر ہو چکی ہیں۔