کچھ لوگوں کو بیٹھے بیٹھے ٹانگیں ہلانے عادت کی ہوتی ہے اور اکثر دیکھا جاتا ہے کہ کچھ لوگ لاشعوری میں ٹانگیں ہلا تے رہتے ہیں، ویسے تو یہ بے ضرر سے عادت سمجھی جاتی ہے تاہم اس حوالے سے طبی ماہرین کیا کہتے ہیں ، آیئے آپ کو بتاتے ہیں۔
ماہرین کے مطابق یعنی یہ کوئی ایسی عادت نہیں جو آپ کو نقصان پہنچائے، کبھی کبھار ٹانگوں کی مسلسل حرکت ریسٹ لیس لیگ سنڈروم کی علامت ہوسکتی ہے، یہ ایک اعصابی عارضہ ہے جس میں ٹانگوں کو جان بوجھ کر ہلانے کی خواہش پیدا ہوتی ہے تاہم ضرورت سے زیادہ ٹانگوں کا ہلنا بعض اوقات بڑھتی ہوئی بے چینی یا تناؤ کے سبب بھی ہوسکتی ہے۔
ماہرین کےمطابق جب انسان بہت گہری سوچ میں ہو یا کوئی پریشانی ہو ، تب بھی بے دھیانی میں ٹانگ ہلنے لگتی ہے۔جو لوگ عادتاً اپنی ٹانگیں ہلاتے ہیں وہ دراصل اپنی پریشانی پر قابو پانے کی کوشش کررہے ہوتے ہیں، چاہے بے دھیانی میں ہی ، بعض حالات میں، ٹانگیں ہلنا بوریت یا مصروفیت کی کمی کی نشاندہی کر سکتا ہے۔
یہ حالت اکثر اعتماد کی کمی کی وجہ سے بھی ہوتی ہے، جب انسان کو اپنے اوپر یقین نہ ہو اور وہ پریشان ہو تب نفسیاتی طور پر وہ کمزور ہوتا ہے اور ایسے میں ٹانگیں ہلتی ہیں۔جب آپ کا دماغ بھٹک جاتا ہے یا عدم دلچسپی کا شکار ہو جاتا ہے، تو جسم اپنے آپ کو بھٹکانے کا راستہ تلاش کرتا ہے جس سے ٹانگیں ہلنا شروع ہوجاتی ہیں۔
طبی ماہرین کا کہنا ہےکہ ٹانگیں ہلانے کی عادت بعض اوقات بے صبری کی نشاندہی کر سکتی ہے، جو افراد اپنے کاموں میں فوری نتائج کی شدید خواہش رکھتے ہیں وہ اکثر اپنی ٹانگیں انزائٹی میں ایسے ہلاتے ہیں۔