ورلڈ کپ: نیدرلینڈز کی جنوبی افریقہ کے خلاف بیٹنگ جاری، چھ وکٹیں گر گئیں

آئی سی سی کرکٹ ورلڈ کپ کے 15 ویں میچ میں نیدرلینڈز کی جنوبی افریقہ کے خلاف بیٹنگ جاری ہے۔

نیدرلینڈز نے اب سے کچھ دیر پہلے تک چھ وکٹوں کے نقصان پر 27 اوورز میں 112 رنز بنا لیے تھے۔

منگل کو دھرم شالہ میں کھیلے جا رہے اس میچ میں جنوبی افریقہ نے ٹاس جیت کر پہلے بولنگ کا فیصلہ کیا۔

دھرم شالہ میں کھیلا جا رہا یہ میچ بارش کے باعث تاخیر سے شروع ہوا جس کے بعد اسے 43 اوورز فی اننگز تک محدود کر دیا گیا ہے۔

جنوبی افریقہ اور نیدرلینڈز کے درمیان اب تک سات ون ڈے میچ ہو چکے ہیں جس میں چھ مرتبہ پروٹیز کو جیت حاصل ہوئی جبکہ ایک میچ بے نتیجہ رہا۔

جنوبی افریقہ کی پلئینگ الیونکوئنٹن ڈی کوک (وکٹ کیپر)، ٹیمبا باوُوما (کپتان)، رسی فین ڈر ڈسن، ایڈن مارکرم، ہینرک کلاسین، ڈیوڈ مِلر، مارکو یانسین، کاگیسو رباڈا، کیشوو مہاراج، لنگی نگیڑی، جیرالڈ کوئٹزے۔

نیدرلینڈز کی پلئینگ الیونوِکرم جیت سنگھ، میکس او ڈاؤڈ، کولن ایکرمین، باس ڈی لیڈے، تیجا نِدامنُورُو، سکاٹ ایڈورڈز (کپتان، وکٹ کیپر) سکائی برینڈ اینجل بریکٹ، رُولوف فین ڈر مروا، لوگان وین بِیک، اریان دت، پاؤل وین مِیکرین۔