ایپل کی طرف سے آئی فون 15 کی نقاب کشائی کے چند دن بعد باضابطہ طور پر سیریز 15 کی فروخت کا آغاز ہوچکا ہے ، افتتاحی روز سے آئی فون اسٹورز پر کافی قطاریں نظر آئیں کیونکہ صارفین آئی فون 15 حاصل کرنے کے اپنے موقع کا انتظار کر رہے تھے۔
ایپل کی جانب سے پہلی بار’میڈ ان انڈیا آئی فون‘ متعارف کرایا گیا ہے اور یہ اسی دن لانچ کیا گیا ہے جس دن دنیا بھر میں ایپل نے اپنا نیا فون ماڈل فروخت کے لیے پیش کیا۔
بھارت میں آئی فون15 کی ڈیلیوری میں تاخیر پر صارفین بپھرگئے اور اسٹور پر موجود ملازم سے تلخ کلامی کے بعد صارفین کے ہاتھوں ملازم کی دھلائی کی ویڈیو سوشل میڈیا پر وائرل ہوگئی۔
نئی دہلی کے علاقے کملا نگر میں واقع ایک موبائل اسٹور میں صارفین اور ملازمین کے درمیان آئی فون 15 پرو ماڈل کی ڈیلیوری میں تاخیر تک تکرار جھگڑے میں بدل گئی۔
جھگڑے کے دوران کچھ کسٹمرز نے ملازمین کو مکے رسید کیے جب کہ ایک ملازم کی شرٹ بھی پھاڑ دی گئی۔ پولیس نے واقعے میں ملوث کسٹمرز کے خلاف ایکشن لیتے ہوئے تحقیقات کا آغاز کردیا گیا ہے۔