جنگ زدہ یوکرین کے دارالحکومت کیئف میں زندگی رواں دواں، تصاویر

جنگ سے تباہ حال ملک یوکرین کے دارالحکومت کیئف میں زندگی بظاہر معمول کے مطابق نظر آتی ہے۔ ہر صبح شہری اپنے کافی کے کپ اُٹھائے کام کے لیے جاتے دکھائی دیتے ہیں۔ خبر رساں ایجنسی ایسوسی ایٹڈ پریس کی تصاویر میں دیکھیے۔

کیئف کے سینٹ صوفیہ کیتھڈرل کے باہر بینچ پر ایک یوکرینی خاتون اپنے شوہر کی گود میں سر رکھے آرام کر رہی ہیں۔

کیئف کی ایک سڑک پر ٹریفک رواں دواں ہے اور پیدل چلنے والوں کے سائے پُل کے اوپر شیشے کی دیوار پر لہرا رہے ہیں۔

روس کی بمباری سے کیئف کے ایک میوزیم کے باہر لگے دانتے الیغیری کے مجسمے کو بچانے کے لیے ریت کی بوریاں رکھی گئی ہیں جن پر بارش اور دھوپ کے اثرات نمایاں ہیں۔

کیئف میں ایک لڑکی اپنی کاٹن کینڈی کا انتظار کرتے ہوئے مسکرا رہی ہے۔

یوکرین کی قومی یادگار سے ہٹائے جانے کے بعد ایک سوویت علامت زمین پر رکھی گئی ہے۔

شام کے گہرے ہوتے سائے میں شہری کیئف کے ایک ڈھابے کے باہر کھانے پینے کی اشیا لینے کے لیے کھڑے ہیں۔

مقامی چرچ کے ارکان فرنٹ لائن پر بھجوانے کے لیے ایک کیموفلاج جال تیار کر رہے ہیں۔