بھارتی لڑکی انجو پر پاکستانی بھی مہربان ۔۔ کون کون سے قیمتی تحائف مل گئے؟

بھارت سے پاکستان آکر محبت کی شادی کرنیوالی فاطمہ عرف انجو پر پاکستان میں نوازشات کی برسات، پاکستانیوں نے مہمان نوازی کرتے ہوئے تحائف دینا شروع کردیئے، ایک بزنس مین نے پلاٹ بھی گفٹ کردیا۔

سوشل میڈیا پر وائرل ایک ویڈیو سامنے آئی ہے جس میں انجو (فاطمہ) کو عروسی لباس میں ملبوس دیکھا جاسکتا ہے، سوشل میڈیا پر دعویٰ کیا جارہا ہے کہ یہ ویڈیو فاطمہ اور نصراللہ کی شادی کی تقریب کی ہے۔

دوسری جانب خیبر پختونخواکے ضلع دیر کے نوجوان نصر اللہ سے شادی کرنے والی فاطمہ کو کے پی کی رئیل اسٹیٹ کمپنی کے سی ای او محسن عباسی کی جانب سے 10 مرلہ پلاٹ تحفے میں دیا گیا اس کے علاوہ محسن خان عباسی نے 50 ہزار کے دیگر تحائف بھی جوڑے کو دیے۔

سوشل میڈیا پر وائرل ویڈیو میں دیکھا جا سکتا ہے کہ انجو کو پلاٹ کے کاغذات دیے گئے، اس حوالے سے بزنس مین نے کہا کہ انہوں نے انجو کو تحائف پیش کیے تاکہ وہ پاکستان میں اپنے گھر کا احساس دلائیں۔

انجو نے بھارت سے پاکستان آکر اسلام قبول کیا، تو یہ تحائف اس کے استقبال کے لیے ہیں، اسے مبارکباد دینے کے لیے ہیں کیونکہ ہم بے حد خوش ہیں، اس کی تعریف کرنے کی یہ ایک چھوٹی سی کوشش ہے۔