کراچی میں آج تیز بارش کہاں کہاں ہوگی اور اس کا سلسلہ کب تک جاری رہے گا؟

کراچی مں کل سے ہلکی اور تیز بارشوں کا سلسلہ جاری ہے۔ جبکہ آج بھی شہر کا موسم ابر آلود ہے۔ شہر بھر میں بارش کے حوالے سے محکمہ موسمیات نے پیشن گوئی کی ہے کہ بارش کا سلسلہ آج رات تک جاری رہے گا۔

گزشتہ روز کورنگی، لانڈھی، شاہ فیصل، نارتھ کراچی اور سرجانی ٹاؤن سمیت کئی علاقو میں موسلا دھار بارش ہوئی اور آج بھی ان علاقوں میں گہرے بادل چھائے ہوئے ہیں جس سے ان علاقوں میں دوبارہ بارش متوقع ہے۔

واضح رہے کہ بارش کی صورتحال کی وجہ سے اندرون و بیرون ملک کئی پروازیں موخر کردی گئیں جبکہ ٹورنٹو، مدینہ، مسقط اور ریاض کی پروازیں منسوخ بھی کی گئی ہیں۔

بارش سے شہر کی سڑکیں تالاب کا منظر پیش کرنے لگی ہیں اور شہریوں کو شدید مسائل کا سامنا ہے۔