90، 60 یا 70 دن ؟ الیکشن کتنے دن میں ہوں گے؟ رانا ثنااللہ کا بڑا انکشاف

وزیر داخلہ رانا ثنااللہ نے نجی ٹی وی شو میں بات کرتے ہوئے کہا کہ 90 دن آخری حد ہے اور الیکشن 60 دن میں بھی ہوسکتے ہیں۔ 90 دن کا مطلب یہ نہیں کہ الیکشن اسی دن ہوں، الیکشن 70 یا 60 دن میں بھی ہوسکتے ہیں، 90 دن الیکشن کی ایک آخری حد ہے، مطلب اس کے اندر ہی ہوں گے۔اسمبلیاں تحلیل ہوں گی، تب چاروں صوبائی اور قومی اسمبلی کا الیکشن ایک دن ہوگا، الیکشن کرانا الیکشن کمیشن کا کام ہے، صاف اور شفاف الیکشن کے لیے ایک ایسا بندہ ہو جس پر سب کو اعتماد ہو۔

9 مئی کو ملک کے دفاع پر حملہ کیا گیا، ایسے بغض اور کینہ رکھنے والوں کو ملک کی سیاست اور الیکشن میں حصہ نہیں لینا چاہیے۔ قومی اسمبلی کی مدت 12 اگست رات 12 بجے تک ہے، اسمبلی مدت سے قبل تحلیل ہونے پر عام انتخابات کرانے کے لیے نگران سیٹ اپ 90 دن کے لیے آئےگا۔