وفاقی وزیر توانائی خرم دستگیر نے کہا ہے کہ بجلی کی قیمت باقاعدہ طور پر نہیں بڑھائی گئی، نیپرا نے صرف اجازت دی ہے۔
ہم نیوز کے پروگرام” پاکستان ٹونائٹ ود ثمر عباس’ میں خرم دستگیر نے کہا ہے کہ بجلی کی قیمت میں مرحلہ واراضافہ کیا جائے گا، بجلی کی قیمت باقاعدہ طور پر نہیں بڑھائی گئی، نیپرا نے صرف اجازت دی ہے،ہم چاہتے ہیں کہ صارفین پر کم سے کم بوجھ ڈالنے کی کوشش کی جائے گی۔
وفاقی وزیر توانائی نے مزید کہا ہےکہ پی ٹی آئی کو بطور پارٹی ختم کرنے کی باتوں میں حقیقت نہیں ہے، اگر پی ٹی آئی کو ختم کرنا ہوتا تو ہم ریفرنس بھیجتے جو نہیں بھیجا، کابینہ میں پی ٹی آئی پر پابندی کا ایسا کوئی پروپوزل بھی نہیں آیا۔