رحیم یار خان: تحصیل لیاقت پور میں شادی کے اگلے ہی دن دولہا نے دلہن اور دیگر کے خلاف مقدمہ درج کرا دیا۔
پولیس کے مطابق مقدمہ دلہن، اس کے بھائی اور نکاح خواں کے خلاف درج کرایا گیا ہے۔
دولہے نے درج مقدمے میں الزام عائد کیا ہے کہ دلہن ماں کی بیماری کا کہہ کر پانچ لاکھ روپے کی نقد رقم اور زیورات لے گئی ہے۔
مقدمہ درج کرنے کے بعد پولیس نے مفرور دلہن اور اس کے ساتھیوں کی تلاش شروع کردی ہے۔
علاقہ پولیس کے مطابق دلہن کی جانب سے جو ایڈریش لکھا گیا تھا اس پر تالا لگا ہوا ہے اور کوئی جواب دینے والا بھی نہیں ہے۔