آرمی چیف جنرل سید عاصم منیر نے کوئٹہ گیریژن کا دورہ کیا جہاں انہیں ژوب دہشتگرد حملے پر بریفنگ دی گئی ۔
آئی ایس پی آر کے مطابق آرمی چیف نےژوب حملے میں شہید جوانوں کو خراج عقیدت پیش کیا۔
آرمی چیف نے سی ایم ایچ کوئٹہ میں زخمی جوانوں کی عیادت بھی کی،آرمی چیف نے جوانوں کی قوم کیلئے خدمات کو سراہا۔
آئی ایس پی آر کا کہنا ہے کہ مسلح افواج کو افغانستان میں ٹی ٹی پی کی محفوظ پناہ گاہوں پر شدید تحفظات ہیں۔
افغان شہریوں کی دہشتگردانہ سرگرمیوں میں ملوث ہونے پر تشویش ہے۔امید ہے افغان حکومت کسی ملک کیخلاف اپنی سرزمین استعمال نہیں ہونے دے گی۔
ایسے حملے ناقابل برداشت ہیں،پاکستان کی سیکیورٹی فورسز ایسے حملوں کا موثر جواب دیں گے،دہشتگردوں کے خاتمے تک آپریشن بھر پور طریقے سے جاری رہے گا۔
سعودی عرب اور یو اے ای سے رقم دلانے میں آرمی چیف کا کلیدی کردار ہے،وزیراعظم
افغان عبوری حکومت دوحہ معاہدے پر عملدرآمد یقینی بنائے ،مسلح افواج دہشتگرد ی کی جڑ سے خاتمے تک چین سے نہیں بیٹھیں گی۔
قبل ازیں آرمی چیف کا کوئٹہ پہنچنے پر کور کمانڈر نے استقبال کیا۔