ایل این جی سپلائی کے لیے پاکستان کو مہنگی بولیاں موصول ہوئی ہیں۔
میڈیا رپورٹس کے مطابق پاکستان ایل این جی لمیٹڈ نے 3 ایل این جی کارگوز کے لیے بولیاں طلب کی تھیں۔بولیاں جمع کرانے کی آخری تاریخ 14جولائی تھی ۔
ذرائع کے مطابق 3 سے 4 جنوری کی سپلائی کے لیے 23.47 ڈالر فی ایم ایم بی ٹی یو کی بولی موصول ہوئی ہے جبکہ 28 سے 29 جنوری کے لیے کوئی بولی موصول نہیں ہوئی۔
ذرائع کا مزید کہنا ہے کہ 23 سے 24 فروری کی سپلائی کے لیے 22.47 ڈالر فی ایم ایم بی ٹی یو کی بولی آئی ہے۔
واضح رہے کہ بولیاں قبول یا مسترد کرنے کا فیصلہ پاکستان ایل این جی لمیٹڈ کا بورڈ کرے گا۔