لاہور کی سیشن عدالت میں فائرنگ، پیشی پر آئی خاتون سمیت دو افراد قتل

لاہور کی سیشن کورٹ میں مخالفین کی فائرنگ سے پیشی پر آئی خاتون سمیت دو افراد ہلاک ہو گئے ہیں۔

جمعرات کو صغراں بی بی اور محمد امین قتل کیس میں ایڈیشنل سیشن جج عبدالغفور کی عدالت میں پیش ہوئے۔ دونوں پر وکیل، اُن کی اہلیہ اور بچی کو قتل کرنے کا الزام تھا۔

پولیس نے دورانِ تفتیش شواہد نہ ملنے پر صغراں بی بی اور محمد امین کو بے گناہ قرار دیا تھا تاہم ان کے خلاف سیشن عدالت میں مقدمہ دائر کیا گیا تھا۔ 

جمعرات کو پیشی کے بعد جب دونوں واپس جا رہے تھے تو اُن کے مخالف نے فائرنگ کر دی جس سے دونوں افراد موقع پر دم توڑ گئے۔

پولیس نے فائرنگ کرنے والے ملزم کو گرفتار لیا ہے جبکہ آئی جی پنجاب ڈاکٹر عثمان انور نے واقعے کا نوٹس لیتے ہوئے سی سی پی او سے رپورٹ کر لی ہے۔

گرفتار ملزم کا کہنا ہے کہ اس نے ذاتی دشمنی کی بنا پر مقتولین پر فائرنگ کی۔