عید الاضحیٰ کی سرکاری تعطیلات کا آج آخری روز ہے اور کل سے تمام سرکاری دفاتر معمول کے مطابق کھل جائینگے۔
میڈیا رپورٹس کے مطابق نئے مالی سال کے آغاز اور گزشتہ مالی سال کے اختتام پر کل 3 جولائی کو بھی ملک بھر میں تمام کمرشل بینک اور دیگر مالیاتی ادارے بند رہیں گے۔
منگل 4 جولائی سے تمام سرکاری و نجی بینک اور مائیکرفنانس ادارے معمول کے مطابق کھلیں گے۔
اعلامیے کے مطابق ملک بھر کے تمام بینک اورمالیاتی ادارے 3 جولائی کو عوامی لین دین کے لیے بند ہوں گے تاہم بینک کا عملہ گزشتہ مالی سال کے حسابات کی جانچ پڑتال کے لیے معمول کے مطابق کام کرے گا۔