سوات: پاکستان تحریک انصاف (پی ٹی آئی) کے رہنما اور سابق وفاقی وزیر مراد سعید کے بھائی کو گرفتار کر لیا گیا۔
پولیس کے مطابق پی ٹی آئی کے مفرور رہنما مراد سعید کے بھائی کو مختلف مقدمات میں گرفتار کیا گیا ہے جو ان کے خلاف درج تھے۔ کلیم سعید 9 مئی کے بعد سے روپوش تھے۔
ذرائع کے مطابق مراد سعید کے بھائی کلیم سعید کو ٹاؤن میونسپل آفس سے پولیس نے گرفتار کیا۔ کلیم سعید کی پی ٹی آئی کے دور میں 16 گریڈ کی ملازمت لگی تھی۔
یہ بھی پڑھیں:
واضح رہے کہ گزشتہ دنوں خیبر پختونخوا کے نگراں وزیر اطلاعات نے کہا تھا کہ خیبر پختونخوا اور بالخصوص سوات سے تعلق رکھنے والی پی ٹی آئی قیادت کا افغانستان میں روپوش ہونے کا امکان ہے کیونکہ اُن کے کالعدم ٹی ٹی پی کے اراکین کے ساتھ اچھے تعلقات تھے۔