نئی دہلی: بھارت کا انتہائی مطلوب بندر پکڑا گیا جس کو پکڑنے کی قیمت 21 ہزار روپے مقرر تھی۔
بھارتی میڈیا کے مطابق بھارتی ریاست مدھیا پردیش کے علاقے راج گڑھ میں انتہائی مطلوب بندر کو 2 ہفتے کی بھاگ دوڑ کے بعد پکڑ لیا گیا۔ اس بندر کو پکڑنے کی قیمت انتظامیہ کی جانب سے 21 ہزار روپے رکھی گئی تھی۔
مطلوب بندر لوگوں پر حملوں میں ملوث تھا اور اب تک 20 افراد پر حملے کر چکا تھا۔ ریسکیو ٹیم نے مقامی اہلکاروں اور علاقے کے افراد کے ساتھ مل کر غصیلے بندر کو پکڑا۔
یہ بھی پڑھیں:
ریسکیو ٹیم نے مطلوب بندر کو ڈرون کیمرے کی مدد سے ڈھونڈا اور پھر اسے گھیر کر بےہوش کیا گیا۔ بندر کے حملوں سے تنگ افراد نے ریسکیو ٹیم کی کامیاب کارروایئ پر خوشی میں نعرے لگائے۔