کوئٹہ انٹرنیشنل ایئرپورٹ پر صفائی کرنے والے نور احمد نے ایمانداری کی مثال قائم کر دی۔
نور احمد کو مردوں کے بیت الخلاء سے 18لاکھ روپے، ایک موبائل فون اور کچھ اور اشیاء ملیں،نور احمد نے انتہائی ایمانداری کا ثبوت دیتے ہوئے اشیاء ائیرپورٹ انتظامیہ کے حوالے کردیں۔
ترجمان سول ایوی ایشن کے مطابق پیسے اور سامان ایک مسافر کا تھا جو کوئٹہ سے لاہور روانہ ہوچکا تھا،مسافر نے لاہور سے ٹرمینل منیجر کوئٹہ سے رابطہ کیا اور اپنے بھولے ہوئے سامان کی تفصیل بتائی۔
اطمینان ہونے کے بعد مسافر کی رقم اور دیگر سامان ہوائی اڈے پر مسافر کے نامزد کردہ نمائندے کے حوالے کر دیا گیا۔