خون تو پتلا ہوتا ہی ہے لیکن ۔۔ روزانہ ڈسپرین کھانے سے آپ کو اور کونسا بڑا نقصان ہوسکتا ہے؟

پاکستان میں ادویات کا بے جا استعمال عام ہے، سر میں درد ہو یا بخارکسی بھی مسئلے کیلئے اکثر لوگ گھر میں خود ادویات استعمال کرنا شروع کردیتے ہیں جبکہ سر کے درد میں ڈسپرین کا استعمال تو بہت زیادہ عام ہے لیکن ادویات کے فائدے کئی بار نقصان میں بھی بدل جاتے ہیں۔

ماہرین کا کہنا ہے کہ کم خوراک والی اسپرین کا استعمال سے صحت مند معمر افراد میں خون کی کمی جو کہ آئرن کی کمی سے منسلک ہوتی ہے، کے 20 فیصد اضافی کیسز دیکھنے میں آئے ہیں۔

ماہرین کی جانب سے کئے جانے والے تجزیے میں آئرن کی کمی سے پیدا ہونے والی خون کی کمی کی علامات کا بھی اعادہ کیا گیا جس میں تھکاوٹ، کمزوری، چکر آنا، جلد کا پیلا ہونا اور ہاتھ پاؤں ٹھنڈے ہونا شامل ہیں۔

آسٹریلیا، نیوزی لینڈ اور امریکا کے 15 محققین نے اپنے نتائج میں اس بات کا تعین کیا کہ کم خوراک والی اسپرین فیریٹین (آئرن) کی سطح کو کم کرتی ہے جو کہ خون بنانے کا کلیدی جز ہے۔

محققین نے بتایا کہ اسپرین خفیہ طور پر خون بہنے کے عمل سے خون کی کمی ہوتی ہے۔ ان کا یہ بھی کہنا تھا ہمارے علم کے مطابق یہ کم خوراک والی اسپرین کے استعمال کا خون کی کمی پر طویل مدتی اثرات کا جائزہ لینے اور اسکی روک تھام کا پہلا ٹرائل ہے۔