پولیس نے صحافی محمد صابر شاکر کے ایف سیون فور اسلام آباد میں واقع گھر پر ان کی گرفتاری کی غرض سے سرچ وارنٹ کے ساتھ چھاپہ مارا۔
ملزم کی گرفتاری کے لئے گھر کے کمرو ں کی تلاشی لی گئی، پولیس کے مطابق ملزم کے رہائشی کمرہ کی بڑی الماری سے ایک عدد لوڈ شدہ کلاشنکوف برآمد ہوئی۔
پولیس کی رپورٹ کے مطابق اس موقع پر ملزم کے خاندان کے دیگر افراد گھر میں موجود نہیں تھے۔پولیس کو کلاشنکوف کا لائسنس یا اجازت نامہ نہیں ملا جس پر کلاشنکوف معہ ایمونیشن قبضے میں لے لی گئی۔
صحافی صابر شاکر کے خلاف بغیر لائسنس کلاشنکوف رکھنے پر ان کے خلاف AO13/20/65 کے تحت ارتکاب جرم پر مقدمہ درج کرکے تفتیشی افسر کو مامور کرنے کی درخواست کی گئی ہے۔