ویسٹ ایشین فٹبال فیڈریشن (ڈبلیو اے ایف ایف) انڈر-23 چیمپیئن شپ میں عمان کے خلاف سیمی فائنل میں کامیابی کے بعد میزبان عراق کا فائنل میں مقابلہ ایران سے ہوگا۔ ڈبلیو اے ایف ایف انڈر-23 چیمپیئن شپ کا فائنل میچ 20 جون کی رات کو بغداد کے المدینہ سٹیڈیم میں کھیلا جائے گا۔قبل ازیں ٹورنامنٹ کے پہلے سیمی فائنل میں ایران اور اردن کا مقابلہ بغیر کسی گول کے برابر رہا، جس کے بعد میچ کا فیصلہ پینلٹی کک پر کیا گیا اور ایران نے 3-4 سے کامیابی حاصل کی۔ Here's that goal that gives Iraq the lead in the U23 WAFF Championship Semi-Final!
pic.twitter.com/Jf2SBx27La
— Iraq Football Podcast (@IraqFootballPod) June 18, 2023
دوسرے سیمی فائنل میں عراق نے خلیجی ہمسایہ ملک عمان کو بغداد کے المدینہ سٹیڈیم میں تقریباً 30 ہزار پرجوش تماشائیوں کے سامنے صفر کے مقابلے میں ایک گول سے شکست دے دی۔دوسرے سیمی فائنل کی خاص بات یہ رہی کہ کھیل کے 52 ویں منٹ میں عراق کے خلاف عمان کے ناصر الرواہی کا سیلف گول میچ کا فیصلہ کن گول ثابت ہوا۔