برطانیہ میں مقیم پاکستانی یوٹیوبر عادل راجہ کے وکیل مہتاب عزیز نے دعویٰ کیا ہے کہ برطانوی پولیس کی جانب سے ان کے مؤکل کو گرفتار کیا گیا تھا۔سوشل میڈیا پر وائرل ہونے والی ایک ویڈیو میں مہتاب عزیز صحافیوں کو بتا رہے ہیں کہ عادل راجہ نے اب تک خود ان سے رابطہ نہیں کیا لیکن انہیں ان کے ذرائع نے اس گرفتاری کی تصدیق کی ہے۔ان کا کہنا تھا کہ ’مجھے بتایا گیا تھا کہ انہیں گرفتار کرلیا گیا ہے اور ایسی صورتحال میں (برطانوی پولیس) حراست میں لیے جانے والے شخص کو قانونی نمائندگی تک رسائی دینے میں تاخیر کر سکتی ہے۔‘جب صحافیوں کی جانب سے ان سے پوچھا گیا کہ عادل راجہ کو کس الزام کے تحت گرفتار کیا گیا ہے تو ان کا کہنا تھا کہ ’جب تک راجہ صاحب مجھ سے خود رابطہ نہیں کریں گے میں آپ کو تصدیق نہیں کر سکتا لیکن پاکستان میں ان کا وارنٹ جاری کیا گیا تھا کافی سنجیدہ الزامات میں۔‘اس سے قبل پاکستانی میڈیا کی جانب سے بھی یہ رپورٹ کیا جاتا رہا ہے کہ عادل راجہ کی گرفتاری عمل میں آئی ہے۔لندن میں موجود صحافی مرتضیٰ علی شاہ کے مطابق عادل راجہ کو پولیس کی طرف سے رہا کردیا گیا ہے۔Breaking: Adil Raja’s lawyer Mehtab Aziz confirms Adil Raja was arrested by the police but now released, says he was arrested on suspicion of encouragement to terrorism, confirms Raja’s devices seized by police.Generally police arrests and releases suspects on bail while probe… pic.twitter.com/8zGn6TyPSD
— Murtaza Ali Shah (@MurtazaViews) June 14, 2023
دوسری جانب عادل راجہ کی جانب سے ان کی گرفتاری کی خبروں کے بعد ایک ٹویٹ میں کہا گیا ہے کہ ’میرے اور میری خیریت کے حوالے سے افواہیں گردش کر رہی ہیں۔ میں ٹھیک ہوں۔‘انہوں نے اپنی گرفتاری یا رہائی کے حوالے تو کچھ نہیں لکھا لیکن ان کا یہ ضرور کہنا تھا کہ ’میں پاکستان میں جمہوریت کے لیے اور فسطائیت کے خلاف آواز اٹھانے کے پُرعزم ہوں۔‘