جب الیاس سٹیڈیاٹس نیلے پانی میں اترا، تو اس کے سامنے اسفنج کی تلاش کا ایک عام دن تھا۔ تانبے کے غوطہ خوری کے سوٹ میں، سانس لینے والی ٹیوبوں سے گھرا ہوا، اسٹیڈیاٹس بالآخر سمندر کی تہہ تک پہنچ گیا۔ جیسے ہی اس نے مدھم روشنی میں جھانک کر دیکھا، اس نے ایک دل دہلا دینے والا منظر دیکھا: چاروں طرف انسانی جسم کے اعضا کے غیر واضح خاکے تھے۔ جیسے ہی وہ سطح پر نمودار ہوا، اس نے بے چینی سے کپتان کو بتایا کہ اسے سڑتی ہوئی لاشوں کا ڈھیر ملا ہے۔
یہ 1900 کا موسم بہار تھا اور سٹیڈیاٹس نے حادثاتی طور پر اینٹیکیتھرا جہاز کے ملبے کو دریافت کیا تھا۔ ایک ایسے رومن مال بردار جہاز کی باقیات جو دو ہزار سال پہلے ڈوب گیا تھا۔ جلد ہی یہ واضح ہو گیا کہ یہ لاشوں سے بھرا ہوا نہیں تھا جیسا کہ پہلے لگتا تھا ، بلکہ فن پاروں سنگ مرمر کے مجسمے اور کانسی کے مجسمے تھے جو ہزاروں سالوں سے الجی، اسفنج اور مچھلیوں کے درمیان رہے۔
بحیرہ ایجیئن کے کنارے واقع ایک یونانی جزیرے کے ساحل پر 100 سال سے زائد عرصہ گزر جانے کے بعد بھی اینٹیکیتھرا کے آثار عوام کو اپنی طرف متوجہ کر رہے ہیں۔ لیکن بہت سے زیر آب عجائبات اب بھی دریافت ہونے کے منتظر ہیں۔
حال ہی میں یونیسکو کی جانب سے سکرکی بینک کی مہم کو ہی دیکھ لیں جو مشرقی اور مغربی بحیرہ روم کو ملانے والی ایک خاص طور پر خطرناک چٹان ہے۔ یہ ہزاروں سالوں سے بہت زیادہ استعمال کی جاتی ہےاور اس وقت تک یہ سینکڑوں بحری جہازوںکو اپنے اندر سمو چکی ہے۔
آٹھ ممالک کے سائنسدانوں کی ایک ٹیم نے ملٹی بیم سونار اور زیر آب روبوٹس کا استعمال کرتے ہوئے خطے میں سمندر کی تہہ کا نقشہ تیار کیا۔ اس ہفتے انھوں نے تین نئے ملبے دریافت کرنے کا اعلان کیا۔
ان میں پہلی صدی قبل مسیح اوردوسری صدی عیسوی اور 19 ویں یا 20 ویں صدی کی کشتیوںکے باقیات ہیں۔یونیسکو کے اندازوں کے مطابق دنیا کے سمندروں کی لہروں کے نیچے اب بھی بہت سے غیر دریافت شدہ ملبے مل سکتے ہیں۔
ایک پوشیدہ ریکارڈ نیدرلینڈز میں موٹر وے کی تعمیر کے دوران سب سے پرانی کشتی حادثاتی طور پر ملی تھی جو 10 ہزار سال قبل تیار کی گئی لکڑی کی کینویعنی چپو سے چلنی والی چھوٹی کشتی تھی۔لیکن اس بات کے واقعاتی شواہد موجود ہیں کہ یہ سب اس سے بھی بہت پہلے شروع ہوا تھا، جب انسان اچانک پانی کے وسیع ذخائر کے دوسری طرف نمودار ہوئے تھے۔
تقریبا 50,000 سال پہلے، یہ خیال کیا جاتا ہے کہ جنوب مشرقی ایشیا سے شکاریوں کے ایک گروہ نے سینکڑوں میل لمبے جزیروں کے ایک گروہ کو عبور کیا ہوگا، کیونکہ اس کے فورا بعد ہی پہلے آسٹریلوی قبائل نیو ساؤتھ ویلز میں جھیل منگو میں پہنچے تھے۔
اور جہاں سمندر ی گزرگاہیں ہیں، وہاں ملبے ہیں۔ آج دنیا کے سمندر ہزاروں سال کی تجارت، جنگ اور کھوج کے ملبے سے بکھرے ہوئے ہیں۔ چاندی سے لدے بحری قزاقوں کے جہاز، سمندری شاہراہ ریشم کے ساتھ کارگو کشتیاں، لگژری شاہی جہاز جو مستقبل کے بادشاہوں کے ساتھ غائب ہو گئے، قدیم ماہی گیری کے جہاز، جدید تباہ کن جہاز اور آبدوزیں، 19 ویں صدی کی وہیل، اور ٹائٹینک جیسے وسیع مسافر جہاز۔
طویل عرصے سے بھولے ہوئے ٹائم کیپسول کی طرح ، ان جہازوں نے آثار قدیمہ کے ماہرین کو اپنی طرف متوجہ کیا ہے اور دنیا بھر کے عجائب گھروں کو قدیم عجائبات سے بھر دیا ہے جن میں اینٹیکیتھرا کی ایک پراسرار فلکیاتی گھڑی بھی شامل ہے، جسے کچھ ماہرین ابتدائی کمپیوٹر کے طور پر دیکھتے ہیں۔
تو یہ مجموعی طور پر کتنے ہیں اور کتنے اب بھی سمندر کی گہرائیوں میں چھپے ہوئے ہیں؟
دنیا کے بحری جہازوں کے تباہ ہونے کے کئی ڈیٹا بیس موجود ہیں، جن میں سے ہر ایک میں ملنے والی کل تعداد کا تھوڑا سا مختلف تخمینہ ہے۔
آن لائن سروس ریک سائٹ پر 209،640 کشتیوں کی فہرست موجود ہے جن میں سے 179،110 کا ایک معلوم مقام ہے۔ دوسری جانب گلوبل میری ٹائم ریکس ڈیٹا بیس (جی ایم ڈبلیو ڈی) میں ڈوبنے والے ڈھائی لاکھ سے زائد بحری جہازوں کا ریکارڈ موجود ہے، تاہم ان میں سے کچھ ابھی تک نہیں ملے ہیں۔
ایک اندازے کے مطابق صرف دوسری جنگ عظیم کے دوران تقریبا 15,000 بحری جہاز ڈوب گئے تھے۔
بحر الکاہل سے بحر اوقیانوس تک بھولے ہوئے جنگی جہاز اور ٹینکر بکھرے ہوئے ہیں، جن سے آہستے آہستہ تیل، کیمیکلز اور بھاری دھاتیں قریبی پانیوں میں بہہ رہے ہیں۔
درحقیقت ، یہ خیال کیا جاتا ہے کہ جہاز کے ملبے جن کو دستاویزی شکل دی گئی ہے وہ کُلتعداد کا صرف ایک چھوٹا سا حصہ پیش کرتے ہیں۔ یونیسکو کے ایک تجزیے کے مطابق دنیا کے سمندروں میں 30 لاکھ سے زائد ایسے جہاز موجود ہیں جو دریافت نہیں کیے گئے۔
یہ پوشیدہ باقیات یکساں طور پر تقسیم ہونے کا امکان نہیں ہے۔تباہ شدہ جہازوں کے کچھہاٹ سپاٹ ہیں، مشہور یا خطرناک راستوں کے ساتھ کچھ سمندری قبرستان، جو ماضی میں شکار کے میدان ثابت ہوئے ہیں۔
اس میں سکرکی بینک کے ساتھ ساتھ بحیرہ روم میں واقع فورنی جزیرہ بھی شامل ہے، جہاں اب تک 58 بحری جہاز دریافت کیے جا چکے ہیں۔جن میں 2015 میں صرف 22 دنوں میں 23 جہاز بھی شامل ہیں۔
اگرچہ فورنی جزیرے کو خاص طور پر خطرناک نہیں سمجھا جاتا تھا ، لیکن اسے عام طور پر لنگر اندازی کے مقام کے طور پر استعمال کیا جاتا تھا لہٰذا یہ خیال کیا جاتا ہے کہ بھاری ٹریفک کی وجہ سے وہاں ڈوبنے والے جہازوں کی بڑی تعداد موجود تھی۔
Getty Imagesایک خزانہ
ابھی تک دریافت نہ ہونے والے ملبے کے اس پوشیدہ ذخیرے میں نہ صرف اس بات کی دلچسپ تفصیلات موجود ہیں کہ کبھی لوگ کس طرح رہتے تھے بلکہ یہ بھی کہ مستقبل کے لیے ممکنہ خطرات کیا ہیں، اس میں ذہن کو چونکا دینے والی دولت بھی شامل ہوسکتی ہے۔ اور یہ پریشانی کا باعث بن سکتا ہے۔
سنہ1708 میں آٹھ جون کو شام 7 بجے کولمبیا کے ساحل پر بحیرہ کیریبین میں ایک طاقتور دھماکے کی گونج سنائی دی۔ یہ سان ہوزے کی آخری جنگی للکارتھی، ایک بڑی کشتی جو دو سال قبل سپین سے روانہ ہوئی تھی۔ یہ کشتی ہسپانوی خزانے کے بیڑے کا حصہ تھی - کشتیوں کا ایک قافلہ ، جو چینی ، مصالحوں ، قیمتی دھاتوں اور دیگر سامان سے لدا ہوا تھا ، سپین اور امریکہ میں اس کے علاقوں کے درمیان لے جایا گیا تھا۔
فلیگ شپ کے طور پر ، سان ہوزے کے پاس بڑے مقدار میںچاندی کے صندوق ، زمرد ، اور سونے کے سکّوںکی ایک بڑی مقدار تھیلیکن ایک برطانوی جہاز کے ساتھ تصادم کے دوران اس کا پرتشدد اختتام ہوا۔
کئی گھنٹوں کی لڑائی کے بعد اس کے بارود کے ذخیرے کو نشانہ بنایا گیا اور یہ تقریبا فوری طور پر ڈوب گیا اور عملے کے تقریبا 600 ارکان کے ساتھ سمندر میں غائب ہو گیا۔
اس کے300 سال بعد 2015 میں کولمبیا کی بحریہ نے بالآخر توپوں، سیرامکس اور سکّوں کے ساتھ اس کی ٹوٹی ہوئی باقیات کی شناخت کی۔ مجموعی طور پر، اس کے کارگو کی مالیت کا تخمینہ 17 بلین ڈالرہے۔لیکن اس دریافت نے فوری طور پر اس بات پر سخت لڑائی شروع کردی کہ ملبے کا مالک کون ہے۔ اب خدشہ ہے کہ آثار قدیمہ کے مقام کو محفوظ کرنے کے بجائے لوٹ لیا جائے گا۔
ایک سنہری دورGetty Imagesسائنس دانوں نے بحر اوقیانوس کی تہہ پر ملبے کے سروے کی بنیاد پر ٹائٹینک کا ایک تھری ڈی ڈیجیٹل جڑواں طیارہ تیار کیا
اس طرح کے تنازعات جلد ہی بہت زیادہ عام ہو سکتے ہیں۔ ماضی میں، بہت سے بحری جہاز نسبتا گہرے پانیوں میں پائے جاتے تھے، بعض اوقات حادثاتی طور پر، جب ماہی گیروں، سائنسدانوں یا خزانے کے شکاریوں نے دنیا کے ساحلوں کے ارد گرد سمندر کی تہہ کی تلاش کی تھی لیکن جدید ترین سبمرسیبلز، جدید کیمرے کے آلات اور نئی سونار ٹیکنالوجیز تک رسائی کے ساتھ، گہرے جہازوں کے ملبے کو تلاش کرنا پہلے سے کہیں زیادہآسان ہے۔
اب گہرے پانی میں بھی سمندر کی تہہ کی تصویر بنانا ممکن ہے، سنہ2019میں محققین نے فلپائن کے خندق میں 6 کلومیٹر گہرائی میں تباہ کن بحری جہاز یو ایس ایس جانسٹن کی دریافت کی۔
اس سال کے اوائل میں سائنس دانوں نے بحر اوقیانوس کی تہہ پر ملبے کے سروے کی بنیاد پر ٹائٹینک کا ایک تھری ڈی ڈیجیٹل جڑواں طیارہ تیار کیا تھا۔
نتیجتا سمندر اپنے راز وں کو بے مثال شرح سے ظاہر کر رہے ہیں۔ جس طرح سونار اور جی پی ایس ٹریکنگ کے استعمال نے ماہی گیری کو تبدیل کر دیا ہے جس سے کھلے سمندر میں کبھی گم شدہ ٹونا کے پورے شولز کی شناخت کی جاسکتی ہے اب کوئی بھی ان ہی ٹیکنالوجیوں کا استعمال ان مقامات پر جہازوں کے ملبے کو تلاش کرنے کے لیے کرسکتا ہے جہاں پہلے کبھی شک نہیں گزرا تھا۔
لیکن فی الحال، ابھی بھی بہت سارے غیر دریافت شدہ ملبے گہرائی میں چھپے ہوئے ہیں جن میں سے کچھ سب سے مشہور ہیں۔
واراتہ کو لے لیجیے جو ایک بہت بڑا مسافر بردار جہاز ہے جس کا موازنہ اکثر ٹائٹینک سے کیا جاتا ہے۔وہ 26 جولائی 1909 کو 211 مسافروں کے ساتھ ڈربن سے کیپ ٹاؤن کے لیے روانہ ہوا اور پھر غائب ہو گیا۔ نو مہمات کے باوجود کبھی کسی کو کچھ نہیں ملا ہے، کوئی نہیں جان سکا کہ اس کے ساتھ کیا ہوا اور یہ کس جگہ ڈوبا۔
کوئی نہیں جانتا آگے کیا ملنے والا ہے، صرف ایک بات یقینی ہے یہ پتا چلنے میں زیادہ وقت نہیں لگے گا۔