اداکارہ و ماڈل فضا علی کی بڑی بہن انتقال کر گئیں

پاکستان کی معروف اداکارہ، ماڈل اور میزبان فضا علی کی بڑی بہن انتقال کر گئیں۔

وہ گزشتہ کئی دنوں سے علیل تھیں، فضا علی نے ایک ماہ قبل اپنی بہن کی ایک ویڈیو شیئر کرتے ہوئے ان کی صحت کیلئے دعا کی اپیل کی تھی اس وقت وہ وینٹی لیٹر پر تھیں۔

فضا علی نے انسٹاگرام پر اپنی بہن کے لئے دعاؤں کی اپیل کرتے ہوئے لکھا کہ آپی چلی گئی، مجھے اور فریال کو چھوڑ کر اس دنیا سے ہمیشہ کے لئے، ان کی آگے کی زندگی کے سفر کے لئے دعا کیجئے گا۔