اسلام آباد: وفاقی وزیر خزانہ سینیٹر اسحاق ڈارنے بجٹ تقریر کرتے ہوئے کہا ہے کہ اس سال پیش کیے جانے والے بجٹ میں کوئی نیا ٹیکس عائد نہیں کیا جا رہا ہے، حکومت کی کوشش ہے کہ ملک میں عوام کو زیادہ سے زیادہ ریلیف دیا جائے۔
انہوں نے قومی اسمبلی میں بجٹ تقریر کے دوران کہا کہ ہماری کوشش ہے کہ روزگار کے مواقع بڑھائے جائیں اور کاروبار میں آسانیاں لائی جائیں۔
ن لیگ کے مرکزی رہنما سینیٹر اسحاق ڈار نے کہا کہ صنعتوں کی حوصلہ افزائی ہو اور برآمدات میں اضافہ کیا جائے، جس سے زرمبادلہ کے ذخائر بڑھ سکیں۔
وفاقی وزیر خزانہ سینیٹر اسحاق ڈار نے کہا کہ اس ضمن میں زیادہ تر مراعات کی وضاحت میں نے پہلے ہی کردی ہے۔