جناح ہاؤس لاہور حملے کا ایک اور مرکزی شر پسند بے نقاب ہو گیا،شر پسند کا نام حاشر درانی اور پی ٹی آئی انصاف یوتھ ونگ لاہور کا انفارمیشن سیکرٹری ہے۔
وہ دورانِ حملہ چیخ چیخ کر انقلاب کے نعرے لگاتا رہا،حاشر درانی اس دوران کہہ رہا تھا کہ لوگوں انقلاب مبارک ہو، ہم فوجیوں سے جان چھڑائیں گے۔
حاشر درانی نے یہ بھی نعرہ لگایا کہ ملک کا فیصلہ چار جرنیل نہیں کر سکتے، اس کا کہنا تھا کہ کور کمانڈر ہاؤس پر حملے کی منصوبہ بندی پہلے سے کی گئی تھی۔
حاشر درانی کا کہنا تھا کہ یہ منصوبہ پی ٹی آئی قیادت نے بنایا، اس نے بتایا کہ یاسمین راشد، محمود الرشید اور شیخ امتیاز نے پلاننگ کی ہوئی تھی، اس کا کہنا تھا کہ میں نے بھی ویڈیو بنائی، لوگوں کو اُکسایا کہ انقلاب آگیا۔